Posts

వీక్షకులు

బలమా!?...భయమా!?

Image
ప్రశాంతంగాఉన్నఓసాయంకాలాన అందరూఇళ్ళకుతిరిగివెళుతున్నసమయాన రాకపోకలుజోరుగాసాగుతున్నదారిలోన రెండువాహనాలుఢీకొట్టుకున్నవిఒకవీధిలోన తప్పుగారైట్సైడ్వచ్చినవాడు తనదేరైట్అనికళ్ళుఉరిమాడు! రైట్గాలెఫ్ట్సైడ్

నేనున్నా'న్నాన్నా' నే నాన్న!

Image
"నాన్నా!" అని, వినిపించిందంటే నీ  గొంతుక! కోరావంటే కోరిక కావాలంటే కానుక తినాలంటే నిండుగా బ్రతకాలంటే హాయిగా అడిగేశావంటే ముద్దుగా అడుగేశావంటే తప్పుగా
సరిచేస్తాడు నీ దారిక తీర్చేస్తాడు "నో!" అనక మిగులుస్తాడు ఓ జ్ఞాపిక  మోసేస్తాడు ఆ మోపిక ఎంతుందో లో ఓపిక!

అంతే కదండీ!!

Image
యుగాల నుండి వెలసి ఉన్న దేవుళ్ళు 
కోటానుకోట్ల జనాలు
లక్షల నాడీకణాలు కలిసి పుట్టించే ఆలోచనలు
వేల సంఖ్యలలో ఉన్న ఫేసుబుక్ మిత్రులు 
వందల యేళ్ళు బ్రతికే చెట్లు 
వెల కట్టలేని ఆ విలువలు. 

ఆపగలవా ఒక మనిషి అంతిమ శ్వాసను!?మరణం అది.. జరుగక తప్పదు!

మరి ఆగునా ఆ దేవుళ్ళ పూజలు
ఈ జనాల పరుగులు 
ఈ ఆలోచనల స్పందనలు  
ఈ మిత్రుల సంభాషణలు  
ఈ చెట్ల జీవన క్రియలు 
ఈ విలువల విలువలు!? జీవితం ఇది.. సాగక ఉండదు!

చదువు "కుం(కొం)టున్నామా?!"

Image
ఒక విషయాన్ని తట్టుకుంటే అది ఓర్పు ఓర్పు నశిస్తే కలిగేది బాధ బాధను దిగమింగుకోలేకపోతే పుట్టేది వేదన వేదన పెరిగితే మొదలయ్యేది ఆందోళన ఆందోళన హెచ్చితే సంభవించేది తిరుగుబాటు
అలాంటి ఓర్పుని పరీక్షించి, బాధని కలిగించి, వేదన పుట్టించి, ఆందోళనపరిచి, ఆఖరికి తిరుగుబాటు కూడా మొదలయ్యేలా చేసిన తరువాత కూడా, అందుకు ప్రేరేపించిన కారణాలను, నిర్ణయాలను కనీసం పరిగణించకుండా, వాళ్ళ మనవిని తొక్కేసి, పిల్లల అభివృధ్ధే ప్రధముగా భావించే  తల్లిదండ్రుల శ్రమదానం నుండి వచ్చిన డబ్బుతో, విద్యార్థులకు ఏ మాత్రం వెసులుబాట్లు కలిపించకుండా మునుపటిలానే సాగిపోదాం అనుకునే ప్రతీ ఒక్క విద్యాసంస్థ కాదు కాదు వ్యాపారసంస్థలకు- ఇది హెచ్చరిక కానే కాదు. మీకు పనికిరాని, అర్థంకాని ఒక సగటు విద్యార్థి వేదన, తల్లిదండ్రులకు చెప్పుకోలేని ఆందోళన. 
ఇందుకు తీవ్ర పరిణామాలను భావి తరాల నుండి ఎదుర్కొనవలసి రావచ్చు. సిధ్ధముగా ఉండగలరు ఆయా సంస్థలవారు


అందరూ దోషులే దొరికితే!

Image
ఊహించలేనన్ని కోణాల్లో కుంభకోణాలకు పాల్పడే గొప్పవాళ్ళు! దర్జాగా యుక్తులతో కుయుక్తులు చేసే మహనీయులు! తోటి ప్రాణుల్ని తాగిన మైకంలో, బలుపెక్కిన బలంతో హరించే హృత్సారవంతులు! "సున్నాలకి కూడా ఇంత విలువ ఉందా?!" అనిపించేలా వేల కోట్ల సొమ్మును అదే పనిగా భుజించే ధనభోజనప్రియులు! చట్టానికి లోబడకుండా, శిక్షల ఊబిలో పడకుండా, తేలికగా బయటకి వచ్చే సాహసీయులు! "నన్ను ఎన్నుకున్న వారి నుంచే, నేను సేవ చేసే దేశాన్నీ, రాష్ట్రాన్నే ఎంతో చక్కగా దోచుకుపోతా!" అని చెప్పకనే చెప్పే ప్రతిభావంతులు!
ఎవరు వారు అని వెతకాలా ఎక్కడెక్కడో?! వారికి తోచిన కోణాల్లో సాయం చేస్తూ, ప్రతి ఒక్క నిర్వచనానికి దృష్టాంతముగా ఉంటూ తిరుగుతున్నారుగా ఇక్కడిక్కడే! 
అప్పటి రాజీవ్ గాంధీ గారి నుండి మొదలు ఒక సురేష్ కల్మడి, మన సత్యం గారు, మహనీయులు గాలి జనార్ధన్,జగన్, విజయ్ మాల్యా, నిరవ్ మోడి, మేహుల్ చోక్సి, చంద కొచ్చర్, నేటి బాలీవుడ్ అంగజుడు సల్లు భాయి వరకు ఎంతో మంది గొప్పవారు

పట్టులో చిక్కిన వారు ఎలాగూ దోషులే...         పట్టుబడకుండా నక్కిన వారూ కూడా దోషులే...
  అంతం లేని ఇటువంటి సంఘటనలకు కేవలం ఇలా మాత్రమే స్పందించగలిగే ఒక సాటి పౌరుడి వేదన…

అమ్మ ఒడి!

Image
బడిలో అభ్యసించలేని ఎన్నో విషయాలను నేర్పిస్తుంది ఆ ఒడి ఎవ్వరూ ఎంచలేనంత ప్రేమను చూపిస్తుంది ఆ ఒడి ఎంతటి బాధను అయినా ప్రేమగా తుడిచేస్తుంది ఆ ఒడి తీరని అలసటకి చక్కటి పానుపు అవుతుంది ఆ ఒడి  ఎక్కెక్కి ఏడ్చేటి కన్నులకు ఊయలగా మారుతుంది ఆ ఒడి ఏ కష్టాన్ని అయినా పంచుకోగల నేస్తం అవుతుంది ఆ ఒడి  చిన్న దెబ్బ వేసి అల్లరిని అదుపులో ఉంచే గురువుగా మారుతుంది ఆ ఒడి ఎన్నో కబుర్లు చెబుతూ, గోరు ముద్దలు తినిపించే ఆ మాతృమూర్తి ఒడి, పసి పిల్లవాడికైనా, ఎదిగిన పెద్దవాడికైనా ఎప్పటికీ అండగా వెన్నంటే ఉంటుంది ఆ అమ్మ ఒడి! 

నిశ్చలుడిని అయినాను!

Image
https://www.inshorts.com/news/8monthold-critical-after-being-raped-by-28yearold-cousin-1517291735798


ఎవరిని ప్రశ్నించగలను?! 

"రేయ్! లంజకొడకా!!" అని తిడితే తీరిపోని నా ఈ కోపాన్నా?!
" 'అడవిలోనే' క్రూరమృగాలు ఉంటాయి!" అన్నవారి అమాయకత్వాన్నా?!
కామ, క్రోధ, కోరికలతో కప్పుకుపోయిన దరిద్రపు దేహాల్నా?!
చట్టం రూపంలో వెంటనే సంకెళ్ళేసేసిన మన రాజ్యాంగాన్నా?! 
"శతవృధ్ధరూపం ధరించి వార్ధక్యంలో ఉన్న మన చట్టాలు, బంధిఖానాలు మమ్మల్ని ఏమి చెయ్యలేవు!" అనుకునే వాళ్ళ ధైర్యాన్నా?!
"మండలముల వ్యవధిలోనే బయటకి వచ్చి స్వైరవిహారం చెయ్యగలము" అనుకునే  వారి నమ్మకాన్నా?!
"తెలుసుకొని కూడా ఏమి చెయ్యలేకపోతున్నానే!" అన్న నా యేహ్యాన్నా?!
"హు! ఇలాంటివి ఎన్నో జరుగుతూనే ఉంటాయి!" అని తోటి వారు కూసినప్పుడు తన్నుకువచ్చే నా ఆవేశాన్నా?! 
ప్రతిబంధకం లేని అర్జునుడిలా ఇలాంటి వారిపై కనీసం శరం కూడా సంధించలేని నా దుస్థితినా?!

ఎవరినని  ప్రశ్నించగలను ?!

కేవలం ఇటువంటి పరిస్థితులకు చలించిపోయి, ఏమి చెయ్యలేని నిస్సహాయ అభాజనుడిగా, ఎంతో మంది అనామకులు పృఛ్ఛించే సమాధానం దొరకని కఠిన ప్రశ్నల్లానే…