ఆలోచించలేదు "అప్పుడు" --- ప్రశ్నించుకో "ఇప్పుడు"

కోడి కూతలకు మెలుకువ వచ్చే రోజులు అప్పుడు
ఫోను మోతలకు కూడా లేవలేని రోజులు ఇప్పుడు...

సుప్రభాత మాధుర్యాల మధ్య గడిచిన ఉదయాలు అప్పుడు
సుప్రసిధ్ధ "వాట్సాప్"ల మధ్య గడిచే రోజులు ఇప్పుడు...

కోరుకున్న ప్రశాంతత నడుమ గడిచిన బ్రతుకులు అప్పుడు
అర్థం కాని ఉద్రిక్తత నడుమ నిలిచిన బ్రతుకులు ఇప్పుడు... 

ఎప్పుడు చూసినా ఆటలేనా?! అన్న తిట్లు అప్పుడు
అంత ఆపలేని చాటింగులా?! అనే అనుమానాలు ఇప్పుడు...

పరిచయం లేని పెద్దవారికి కూడా గౌరవం ఇచ్చే సంస్కారం అప్పుడు
పాఠాలు చెప్పే గురువలకు కూడా గౌరవం ఇవ్వలేని దుస్థితి ఇప్పుడు...

సంపద అంటే ప్రేమ,బంధం,సంతోషం,ప్రశాంతత,"డబ్బు" అనే నిర్వచనం అప్పుడు 
సంపద అంటే డబ్బు డబ్బు డబ్బు కేవలం "డబ్బే" అనే నిర్వచనం ఇప్పుడు...

నీతి,నిజాయితి అంటే అండగా నిలుచున్న మనుషులు అప్పుడు 
నీతా?!నిజాయితా?! ఇవన్నీ దండగ అని అడ్డదారులు తొక్కుతున్న మనుషులు ఇప్పుడు... 

మానవ వైపరీత్యాలను అడ్డుకున్న వాళ్ళని "నువ్వు మగాడివి రా!!" అన్న రోజులు అప్పుడు 
మానభంగం లాంటి కౄరకృత్యాలకు పాల్పడ్డ వాళ్ళని కూడా "వీడూ మగాడే!!" అని మేపుతున్న రోజులు ఇప్పుడు...

కాలంతో మార్పు సహజం... నిజమే!కాని మనలోని  కనీస విలువలను సైతం మర్చిపోయేంత మార్పా?!అవసరమా?