లే! పఱుగిడు.

తలవంచక, గురితప్పక,

దూకాక బరిలోకిక!

తలబడుతూ నిలబడుతూ 
పరుగెడుతూ పయనించిక!

గుఱుతులు, విరుపులంటూ  
చెప్పే హేతువులను చాలించిక!

వెఱపు వద్దు, చెరిగె హద్దు,
తగదురన్న తడబాటిక!

తీరిగ్గా తేలిగ్గా 

సాగదు కదా, జీవితము 

చంచలమైంది గనుక!

జీవనతాత్పర్యం

'భూతభవిష్యములు' అను 

రెండు పర్వతముల నడుమ

సొగసులీనుతున్న 'వర్తమానము' అనే 

పలువొంపుల ప్రవాహము పైన 

నిర్మితమైన 'మనోభావాలు' అనే  

ధృఢమైన వారధిపై 'జ్ఞాపకాలు' అనే 

చల్లని పవనము వీచు వేళ

'జీవితము' అను ప్రకృతిలో లీనమై 

సాగిపోవుటే కదా ఈ 'జీవనతాత్పర్యం'

జైహింద్!

చక్కటి దుప్పటిగా కమ్ముకున్న
నల్లటి మబ్బులలో, నిప్పులు కక్కుతూ 
ఊహకు చిక్కని చక్కని వ్యూహం
ముచ్చెమటలు పట్టించిన వైనం
ముప్పుతిప్పలు పెట్టెను 
చిక్కుల క్షిపణుల వర్షం
దిక్కుల నక్కిన 'జైషు'లు నాశనం
"దేశ రక్షణే తక్షణ కర్తవ్యం!"
అంటూ ఉగ్రవాదుల హతం 
చేసిన భారత వైమానిక దళం!

"పద్మశ్రీ" సిరివెన్నెల సీతారామశాస్త్రి

కేవలం మీ రచనల సిరా చుక్కలతో మమ్మల్ని ఆనదింపజేస్తూ, ఆలోజింపచేస్తూ, కదిలిస్తూ, కట్టిపడేస్తూ, 
తెలుగు సాహిత్య సామ్రాజ్యానికి ఒక చక్రవర్తిగా, 
తెలుగు రచనాకృతిలో దాగి ఉన్న సాహిత్య కిరణాలతో ఉదయించిన అపరదిశనెరుగని భాస్కరుడిగా, 
తెలుగు భాషా వేరులకి పట్టి ఉన్న దుమాధూళిని మీ శైలిలో ప్లావితము చేసి దానిని పూల సువాసనగా మలచి శ్రోతలకు అందించిన కవిహృదయా-

 వరించింది నిన్ను ఈ "పద్మశ్రీ" బిరుదు కోవెల చేరిన పూమాలగా .
 అందుకో ఈ ఘనతను నీ సాహిత్యరథానికి ఒక చిన్న తోరణముగా.

బలమా!?...భయమా!?

ప్రశాంతంగా ఉన్న ఓ సాయంకాలాన

అందరూ ఇళ్ళకు తిరిగి వెళుతున్న సమయాన

రాకపోకలు జోరుగా సాగుతున్న దారిలోన

రెండు వాహనాలు ఢీ కొట్టుకున్నవి ఒక వీధి లోన 

తప్పుగా రైట్ సైడ్ వచ్చినవాడు

తనదే రైట్ అని కళ్ళు ఉరిమాడు!

రైట్ గా లెఫ్ట్ సైడ్ వచ్చినవాడు

తప్పు లేకున్నా తప్పుకొని తగ్గిపోయాడు!

ఒకడు "భయపెట్టాను రా!" అని సంబరపడి,

మరొకడు "బతికిపోయాను రా!" అని సంతోషపడి  వెళ్ళిపోయెను!

నేనున్నా'న్నాన్నా' నే నాన్న!

"నాన్నా!" అని,

వినిపించిందంటే నీ  గొంతుక!

కోరావంటే కోరిక

కావాలంటే కానుక

తినాలంటే నిండుగా

బ్రతకాలంటే హాయిగా

అడిగేశావంటే ముద్దుగా

అడుగేశావంటే తప్పుగా

సరిచేస్తాడు నీ దారిక

తీర్చేస్తాడు "నో!" అనక

మిగులుస్తాడు ఓ జ్ఞాపిక 

మోసేస్తాడు ఆ మోపిక

ఎంతుందో లో ఓపిక!

అంతే కదండీ!!

యుగాల నుండి వెలసి ఉన్న దేవుళ్ళు 
కోటానుకోట్ల జనాలు
లక్షల నాడీకణాలు కలిసి పుట్టించే ఆలోచనలు
వేల సంఖ్యలలో ఉన్న ఫేసుబుక్ మిత్రులు 
వందల యేళ్ళు బ్రతికే చెట్లు 
వెల కట్టలేని విలువలు. 
ఆపగలవా ఒక మనిషి అంతిమ శ్వాసను!

మరణం అది.. జరుగక తప్పదు!

మరి ఆగునా ఆ దేవుళ్ళ పూజలు
ఈ జనాల పరుగులు 
ఈ ఆలోచనల స్పందనలు  
ఈ మిత్రుల సంభాషణలు  
ఈ చెట్ల జీవన క్రియలు 
ఈ విలువల విలువలు!? 

జీవితం ఇది.. సాగక ఉండదు!