అమ్మ ఒడి!

బడిలో అభ్యసించలేని ఎన్నో విషయాలను నేర్పిస్తుంది ఆ ఒడి

ఎవ్వరూ ఎంచలేనంత ప్రేమను చూపిస్తుంది ఆ ఒడి

ఎంతటి బాధను అయినా ప్రేమగా తుడిచేస్తుంది ఆ ఒడి

తీరని అలసటకి చక్కటి పానుపు అవుతుంది ఆ ఒడి 

ఎక్కెక్కి ఏడ్చేటి కన్నులకు ఊయలగా మారుతుంది ఆ ఒడి

ఏ కష్టాన్ని అయినా పంచుకోగల నేస్తం అవుతుంది ఆ ఒడి 

చిన్న దెబ్బ వేసి అల్లరిని అదుపులో ఉంచే గురువుగా మారుతుంది ఆ ఒడి

ఎన్నో కబుర్లు చెబుతూ, గోరు ముద్దలు తినిపించే ఆ మాతృమూర్తి ఒడి,

పసి పిల్లవాడికైనా, ఎదిగిన పెద్దవాడికైనా ఎప్పటికీ అండగా వెన్నంటే ఉంటుంది ఆ అమ్మ ఒడి!