Monday 5 December 2016

సహనంతో ఫలితం సాధ్యం - అంచనాలతో అవాంఛనాలు తధ్యం

మనిషికి అంచనాలు చాలా ఎక్కువ.
చేసే ప్రతి పనిలో అంచనాలు.ఉన్న దానితో సంత్రుప్తి పడే రోజులు ఎప్పుడో పోయాయి.
ప్రతి వాడికి ప్రతి విషయంలో అసంత్రుప్తే.
       
              ఒక పిల్లవాడికి అసంత్రుప్తి వాడి ఆట వస్తువులంటే...
              ఒక విద్యార్ధికి అసంత్రుప్తి తన కళాశాలంటే...  
              ఒక స్నేహితుడికి అసంత్రుప్తి తన 'స్నేహ నిర్వచనంకి ' తోటి వారు ఒప్పుకోకుంటే ...
              ఒక ప్రేమికుడికి అసంప్త్రుప్తి తన ప్రియురాలికి ఇచ్చే బహుమతులంటే...  
              ఒక మధ్య తరగతి మనిషికి అసంత్రుప్తి తన సంపాదనంటే...
              ఒక ఉద్యోగికి అసంత్రుప్తి తన జీతం అంటే... 


ఇలా ప్రతి విషయంలో, చేసే ప్రతి పనిలో అంచనాలు పెంచేసుకొని వాటిని చేరుకోలేక అసంత్రుప్తి పడితే, ఆ పనికి అర్థం ఉండదు, ఆ మనిషికి శాంతం ఉండదు, ఆ మనసుకి భారం మాత్రమే మిగులుతుంది.
అలా అని అంచనాలు పెట్టుకోకుండా ఉంటామా?! ఉండగలమా?! అంటే, అవసరంలేదు. ఉండాలి, కుదిరినంత తక్కువ అంచనాలు ఉండాలి. తక్కువ అంచనాలతో పని మొదలు పెడితే, ఆ తరువాత ఫలితాలు ఎలా ఉన్నా ఆనందమే. పెద్దవాళ్ళు అన్నట్టు "అతి ఎందులోనూ పనికిరాదు". ఈ విషయంలో మాత్రం అది ముమ్మాటికి నిజమే. ఒకవేళ అంచనాలు ఎక్కువే ఉండాలి అంటే,దానికి తగినంత కష్టపడాలి అంతే. కానీ ఫలితాలు ఎలా ఉన్నా అప్పుడు స్వీకరించే గుండె ధైర్యం కూడా ఉండాలి. "కష్టే ఫలి" అని మన పెద్దవారు చెప్తారు కదా!!! అంటే కష్టానికి తగ్గ ప్రతిఫలం ఉంటుంది. కానీ ఆ ఫలితం ఎప్పుడైనా రావచ్చు. అందుకు తగిన ఓపిక కూడా ఉండాలి.
కావున సహనంతో ఫలితం సాధ్యం, అంచనాలతో అవాంఛనాలు తధ్యం. 

కొత్త కాలమానం - ఆపరేషన్ 2020

జననమరణముల నడుమ ఉనికి తెలుపుతూ, బ్రతుకుతెరువు కొరకు గళమునెత్తుతూ, గెలుపు రథమునెక్కుటకు కదము తొక్కుతూ, విధాత రాతను శిరసా వ...